| awal-al3n8od's profile▂▃▅▆▇█▓▒ ديـ.ـ.ـوانـ.ـ.ـ...PhotosBlogLists |  Tools  Help |
|
May 18 مناجاة & انتظارهي تحترق بين نارين . . نار حبها . . ونار أمومتها
ضحت بعمرها واتحدت الكل عشانه !
بس هو مايبي يبين لها انكسارهـ ,, رغم مكانتها فــ قلبه
انتظرت منه حنان وكلام يطمنها بس انه كابر !
هو تهمه رجولته . . وهي تهمها كرامتها
ضاقت الدنيا بعينها واتخذت قرارها
ياترى هل بيتخلى عنها ويهدم حياته ؟ ولا بيحافظ عليها ؟
وش بيصير ؟ . . . هذا اللي انتظرهـ
ياربـ ,, ياربـ ساعدها وطمن قلبها
 الخميس 20 - 4 - 1427 هـ
9:56 pm November 22 مـ ـ ـ ـن أكـ ـ ـ ـونالاسم : مشاعل بنت ... << اخاف انكم عزيزاتي الانثيات تعزمون احد على سبيسي همن يعرفون عائلتي
(( ثمن عاد يوصل الدم للركب وتطلع علوم الشرف والقبايل ))
 برجي : الحمل زي صطيقتي منور التؤمان اللاتي لم تلدهن امن واحده بس منيب اؤمن بهالخرافات اولا يامنور
 الاصل : سديراويه والحافظ الله وتحديدا " حوطة سدير " ياجعلي ماافقدها
 الترتيب في الاسره : انا اكبر اخواني وعلى قولتهم اول العنقود وفي روايه لامي الحبيبه (( القدوه )) بس امي قبلها تقول فكي اخوانك من شرك وبيمشون زين
 خريجة مدارس : العليا الاهليه فقد ترعرعت بين حيطان اسوارها
 وفي روايه تعليم خاص " Special Education " التخصص : تربيه خاصه
المستوى : مستوى رابع ومكان الدفاره جامعة الملك سعود
نبذات عن شخصيتي : اقدر العزوبيه ولو اني بغيت انحرف عنها
 بس اؤيد وبعنف قانون (( نعم للعزوبيه لا للزواج وتعكير المزاج )) هع هعيعني من الحين اللي ناويه تخطبني لشقيقها ولااخوها من الرضاع ولا عمها سمعتوا يالثنتين اللي في بالي اقول حاولن مرتن اخرى
اممممممممممممممممم وش بعد يهمكم تعرفون عني بصراحه ذا اللي عصرت دميجتي فيه .. بس كان فيذا شي ناقص ذكروني وماعليكم ابقوم بالواجب
ايه قبل لاانسى بقولكم مقتطفات من القصائد اللي انقالت في سموي الكريم << اللي يشوفني يقول ديوان تراي مسببه ازمه عالفاضي
ياجعلي مااذوق يوم من كتب فيني بوريها جدي كوده يغار ويوافق يكتب فيني
 ][ أنا كالقمر في سماء الليل .. وكالشمس إذا أقبل النهار .. كلامي يشفي المريض والعليل .. وابتسامتي لاتخفي اسرار][
وللحين انتظر كمالتها ترى هالقصيده << مازال عندها امل
===================
(( مساحه محجوزه لقصيدة سارونه المزيونه اللي بترزها فيني
)) <<< تحسون ناشبه لها
اوتسي تشااااااااااااااو ماذا تعرفون عن سموي تعالوا نجرباممممممممممممممممم " جاوبوا واربحوا " << يقالها مسويه اغراءات
بصراحه مافي شي مفيد كالعاده
بس حبيت نسوي تقريبا زي الشاتنق بس على سنع عشان تعرفوني اكثر واعرف مدى خبرتكم وارتباطكم فيني ..يالله استعينوا بالله واجيبوا بالقلم الازرق عن الاسئله التاليه : << تخبرون متأثره باازمة الاختبارات
 1- ماهي أكلتي المفضله اللي ماامل منها ؟<< بتقولون ليش افتتحتي بالاكل بقول لاني صايمه وجوعانه
؟أ- السمك ب-الرز ج- الخبز
2- اخوي اللي لايمكن ارد له طلب مهما يكون حتى لو اكون نايمه غصب انفذه لو مو برضاي خوفاً من امي ؟
أ- عبودي ب-بدر ج-طلال
3- سيارتي المفضله اللي مااقاومها لا شفتها تتجول في شوارع الرياض ومستقبلاً لاسمح لنا بابا عبدالله نسوق ابشتريها هي
؟أ- جيب بورش ب- جيب رينج روفر د_ لكزس
4- الواني المفضله وقبلي مفتونتن فيها ؟
أ- البينك والليموني الفاتح ب- الابيض والسماوي ج-البينك والاورنج
5- ماده مانيب اتوالف معها وكانت تجيب لي التكه والغلقه لاجيت اذاكرها ؟
أ- النحو ب- الرياضيات ج- الاحياء
6- يقع منزلنا المصون اللي يعيش فيه سموي الكريم في ارجاء؟
أ- التخصصي ب- الروضه ج-العقيق
7-أكثر شي حار احب اشربه لازم يوميا ؟
أ- الشاهي ب- القهوه العربيه ج- الكابتشينو
8- امنيه في حياتي ودي اسويها قبل مااعجز
؟أ- اسوق سياره ب- اركب سفينه ج- اركب خيل
9- أكثر شوقلاطه((تشاكليت))احبه مع القهوه ؟
أ- سنيكرز ب-كيندر ج- توجي
10 - امممممممممممممممم عجزت القى سؤال احطه هاهونا بس نقول ذا يله
أكره فصل من فصول السنه بالنسبه لي هو ؟
أ- الصيف ب- الشتاء ج- الخريف
===========================
يله لااوصيكم دحدروا بااجوبتكم عشان نحلل مدى صلتكم فيني
اوتسي تشاااااااااااو
هــــــــذيـــــان ليش الناس تحب تحكي وتتكلم وتدخل في مشاكل غيرها !!
" وش يقولون عنك الناس "
اللي عاشوا حوالي وناقشوني كانوا يتخذون هالكلمه سلاح كسبيل في اقناعي بس بدل ماارضخ زدت اصرار وتحدي
عشان ابين للكل انه لايمكن اهدم مستقبلي عشان ارضي غيري !! وخصوصا لما اكون مقتنعه برايي بس غيري يحسون انه غلط وانه جريمه بحقي مع ان القرار قراري والمستقبل بيكون قدري ..
ليش مو قادرين " هذولا الناس " يفهمون بانه كوني وصلت لسن النضج والتمييز بين الصح والغلط بكون انسانه لها حرية التصرف باتخاذ قراراتها بعد تفكير ومدى ارتياحي للقرار اللي اتخذته ..
يااااااااااااه ماانكر اني عشت اصعب لحظات حياتي واتعبت اقرب الناس لي بشيلهم لهمي وخوفهم من رضوخي واتخاذ قرار يرضي غيري بدون اقتناعي !!
سبحان الله !! ليه لما تمر علينا مثل لحظات التفكير والالم والحزن هذي نكره فيها الدنيا ويوم ميلادنا .. وننسى كل لحظات السعاده مانذكر الا الحاضر اللي احنا عايشينه ونستسلم لدموعنا !!
بس لو نجلس مع نفسنا ونسترجع ولو شوي من ذكرياتنا الحلوه راح نبتسم ونمسح دمعتنا
بنحس اننا قادرين على تخطي هالمحن وطيها مع اوراقنا القديمه عشان تكون حافز لنا كل ماواجهتنا مواقف مثلها ..
ولو فكرنا بعقلانيه أكثر بندرك انه ماللدنيا طعم لو كانت كلها سعاده وفرح لانه كل تعبيراتنا ومشاعرنا بتسلك مجرى واحد وماراح نحس بلذتها ..
قال تعالى : ((خلق الانسان هلوعا إذا مسه الشر جزوعا )) .. صدق الله العظيم
يارب مدني بالقوه في مثل هالمواقف وساعدني على تجاوزها
_ مساحة للدندرة وفش الخلق _ |
||||
|
|
